06.11.2011
gronda fiasta a caschun da 25 onns Pleiv evangelica reformada dalla Cadi
2004
Per promover la collaboraziun vegn l'Uniun dalla baselgia evangelica reformada Sursassiala fundada ensemen cun 6 ulteriuras pleivs sursilvanas reformadas (Waltensburg / Vuorz, Schnaus, Glion, Pitasch, Duvin, Castrisch / Sevgein / Riein).
1998/99
Construcziun ed inauguraziun dil center da sentupada "AUA VIVA" a Mustér - Raveras.
1996
Conclusiun dil contract da dretg da baghegiar cun la vischnaunca da Mustér ed entschatta dalla lavur da projectar.
1994
La Pleiv evangelica reformada dalla Cadi e la Baselgia naziunala decidan da construir in agen center da pleiv.
1992
La radunonza dalla Pleiv evangelica reformada dalla Cadi e la Baselgia naziunala concludan la cuntinuaziun dil pensum dil plevon.
18.01.1991
La radunonza dalla pleiv fundescha "Tür auf - mo vinavon". Questa nova fundaziun promova la collaboraziun ecumena cun las pleivs catolicas ella sparta socio- ed interculturala. Ils onns suandonts realisescha la fundaziun ils projects.
01.04.1988
A Mustér endrezza la pleiv igl emprem uffeci parochial dalla Cadi. Il pensum dil plevon vegn limitaus approximativamein sin 5 onns. Sut il motto "curascha per igl experiment" duei la construcziun dalla pleiv vegnir realisada.
17.01.1986
La radunonza dils commembers decida unanimamein da fundar in'atgna pleiv.
02.11.1986
Aunc il medem meins vegn la Pleiv evangelica reformada dalla Cadi fundada e renconuschida sco 121- avla commembra dalla Baselgia naziunala rischuna dil cussegl grond
01.01.1984
Ella Baselgia naziunala evangelica dil Grischun va ina nova ordinaziun da diaspora en vigur. L' Uniun evangelica dalla Cadi sto sedecider denter il colligiament cun ina pleiv existenta ni la fundaziun dad in'atgna pleiv.
12.03.1964
Fundaziun dall' "uniun evangelica dalla Cadi" a Mustér; augmentaziun dils survetschs divins e realisaziun da ductrina reformada pils affons; carschament da dimorants reformai a caschun dil svilup turistic, construcziun da casas da vacanzas e maridaglias; sustegn e cuminonza dils reformai ella regiun sco finamira da lavur dall'uniun.
Naven da 1957
Carschament da dimorants reformai a caschun dallas ovras electricas dil Rein Anteriur; survetschs divins regulars; susteniment finanzial e tgira dad emploiai da confessiun reformada entras las ovras electricas Rein Anteriur.
1951
Ils burgheis evangelic - reformai dallas vischnauncas da Breil, Schlans e Trun vegnan subordinai alla pleiv baselgia da Glion, ils burgheis da Sumvitg, Mustér, Medel e Tujetsch alla pleiv da Waltensburg / Vuorz.
Entochen 1950
Tgira sporadica da hosps reformai entras survetsch dil predicatur da cura.
Commembers dalla Pleiv evangelica reformada dalla Cadi
- 1960 58 commembers
- 1985 121 commembers
- 1990 291 commembers
- 2000 364 commembers
- 2012 382 commembers
- 2019 420 commembers
Suprastonza dalla pleiv baselgia: 5 commembers da differentas regiuns dalla Cadi