Scola primara / scola secundara
En nies cantun ein previdas 2 uras da scola ad jamna per la ductrina che vegn menada atras dallas Baselgias naziunalas e dallas pleivs dil liug. Sin basa dil plan d'instrucziun ecumen dil cantun vegn l'instrucziun ellas pleivs dalla Cadi menada atras ecumenicamein. Ils affons visetan pia la ductrina mintgamai ella scola da lur vischnaunca ni da lur vitg. En famiglias ligiadas confessiunalmein decidan ils geniturs sche lur affons van la via catolica (S. Communiun, Creisma) ni la via reformada (Confirmaziun).
Preparants / confirmants
L'instrucziun da confirmantAs cumpeglia 72 lecziuns e vegn menada atras egl 8-avel e 9-avel onn da scola. L'annunzia per la confirmaziun anfleis Vus el fegl pastoral e sin nossa pagina d'internet. Sin fundament da quell'annunzia envidein nus ils giuvenils all'instrucziun da confirmantAs.
Nus savein ch'ei dat biaras damondas partenent l'educaziun religiusa da nos affons. Damondas che pretendan ponderaziuns sapientivas e decisiuns. S'annunziei nunschenadamein sche Vus habeis damondas e giavischeis cussigliaziun cumpetenta en caussa.
Bugen stein nus a disposiziun per in discuors.