Batten
Ils battens festivein nus duront il survetsch divin el liug da Vossa schelta. Il secretariat dalla pleiv pren encunter Vossa annunzia. Ensemen cun il plevon haveis Vus endamen datum e decuors dil batten.
Confirmaziun
La confirmaziun vegn festivada el 9avel onn da scola e quei u la dumengia avon ni suenter Pastgas. Il datum precis fixescha il plevon ensemen cun ils confirmands/ las confirmandas, respectivamein cun lur geniturs
Enzinnada
En cunvegnientscha cugl uffeci parochial sa l'enzinnada haver liug aschibein duront l'jamna sco era la dumengia.
Consorts ch'ein ligiai confessiunalmein han la pusseivladad dad in'enzinnada ecumena en collaboraziun cun ils plevons dad omisduas confessiuns.
Sepultura
Mortoris ein d'annunziar alla canzlia da Vossa vischnaunca da habitadi che cusseglia Vus arisguard ils proxims pass ed a nies uffeci parochial che prepara cun Vus la sepultura.